MASONËT - ILLUMINATI . ÇFARË JANË ?????

Duke marrë shkas nga vizita ,pothuajse e fshehtë e Kryeministrit Edi Rama në Hollandë, vizitë e cila u mundua të mbahej e fshehtë,por pas incidentit në aeroportin Hollandes u bë publike, vendosa të shkruaj disa gjëra për MASONËT.

Por ç'lidhje kanë Masonët me vizitën e Kryeministrit në Hollandë do të thotë dikush, kanë pasi sipas një artikulli të shkruar në SYRI.NET zbardhet pjesërisht qëllimi i vizitës së Kryeministrit pothuajse fshehurazi në Hollandë.

Artikullin e keni   KËTU.

Po përse po flas për Masonët dhe masonërinë, dhe përse duhet të shqetësohemi nga ky takim ne Shqiptarët ????

Duhet të shqetësohemi sepse ashtu si e thekson edhe artikulli, në këtë takim vendoset fati i Shqipërisë për vitet e ardhshme ndoshta dhe për dekadat e ardhshme, sepse kur flasim për Masonët duhet të kemi parasysh që flasim për njerëz me fuqi të pafund, në çdo aspekt, atë politik, shoqëror ,por dhe financiar.

Por të shpjegojmë pak se çfarë janë dhe cilët janë këto Shoqëri të fuqishme.

 Po rendit këtu disa nga këto shoqëri (ato më me pushtet), nga të cilat shoqëri sot janë në veprim ''Skull&Bones'' (Antarë ishin Familja BUSH'' --- Grupi ''Bilderberg'' (Antar është Jorgo Papandreu). dhe ''Illuminati'' dhe ''Freemason''

 Disa shoqëri sekrete janë tashmë të njohura dhe vazhdojnë të veprojnë prej shumë shekujsh. Edhe pse anëtarët e shumë prej tyre janë të njohur, ritet dhe ajo çfarë ndodh në takime nuk bëhet asnjëherë publike. Anëtarësimi në këto shoqëri përgjithësisht bëhet me anë të rekomandimit të një anëtari ekzistues. Nga “The Illuminati”, “Skull and Bones” “Asasinët” e deri te “Fremasonët” dhe “Paria e Sionit”, teoritë konspirative mbi vëllazëritë e fshehta me anëtarë të famshëm

1-“Skull and Bones”

Urdhri i “Skull and Bones” është një shoqëri e Universitetit të Jeilit dhe fillimisht njihej si “Vëllazëria e Vdekjes”. Është një prej shoqërive sekrete studentore më të vjetra në SHBA. Është themeluar në vitin 1832 dhe anëtarësimi është i hapur vetëm për pak njerëz të elitës. Shoqëria përdor rituale me nuanca masonike edhe në ditët e sotme. Anëtarët takohen çdo të enjte dhe të diele në një ndërtesë që e quajnë “Varri”. Sipas Judy Schiff, arkiviste në librarinë e universitetit të Jeilit, emrat e anëtarëve nuk mbaheshin sekret deri në vitet ’70, por ritualet kanë qenë gjithnjë sekret. Dy presidentët Bush kanë qenë anëtarë të kësaj shoqërie, kur studionin në Jeil, si dhe një sërë emrash të tjerë njerëzish të famshëm e të pushtetshëm.

2- Freemasonët

Lozha e Madhe Masonike u krijua në vitin 1717, kur katër grupe lozhash të vogla u bashkuan. Nivelet e anëtarësimit fillimisht ishin të shkallës së parë dhe të dytë, por në vitin 1750 ato u zgjeruan për të krijuar dhe një shkallë të tretë, gjithësej shkallët janë 33 Kur një person arrin në gradën e tretë quhet “Master Mason”. Masonët i kryejnë takimet e tyre të rregullta sipas një rituali të caktuar. Kjo përfshin shumë referenca ndaj simboleve arkitekturore, siç është kompasi dhe katrori. Ato i referohen zotit si “Arkitekti i madh i universit”. Masonët përdorin shenja dhe shkëmbim duarsh për të hyrë në takimet e tyre, si dhe për të identifikuar veten ndaj njerëzve të tjerë që mund të jenë masonë. Për t’u bërë mason duhet të rekomandohesh nga një mason tjetër. Një mason mundet të flasë publikisht për vehten , por në asnjë mënyrë për një tjetër mason dhe as të deklarojë emrat e masonëve të tjerë..

3- “Rosicrucian”

Urdhri “Rosicrucian” Është një grupim secret i lashtë ,megjithëse ‘’Publikisht’’ u shfaq në vitin 1614, kur u botua libri: “Fama Fratermitatis”, pak më vonë vijoi botimi I librit të dytë “Confessio Fratermitatis Rosae Crucis” ndërsa në vitin 1616 doli dhe libri “Martesa kimike e Rosenkretuzit Kristian viti 1459” I një shkrimtari anonym, por besohet se autori ishte Valentin Andrea, I cili e bazoi temën nga martesa e Frederikut V Princit të Rinanisë me Elisabeta Stiuart, vajzën e Jakobit I të Anglisë. Dokumenti i parë tregon historinë e një alkimisti misterioz, i cili udhëton në pjesë të ndryshme të botës për të përftuar njohuri sekrete. Dokumenti i dytë flet për një vëllazëri sekrete alkimistësh, të cilët po përgatiteshin të ndryshonin faqen politike dhe intelektuale të Evropës. Anëtarët e kësaj vëllazërie pretendojnë se origjina e tyre është më e lashtë se këto dokumente. Sot ka shumë grupe të tilla dhe secili pretendon të ketë lidhje direkte me origjinalin..
Mësimet e këtij grupimi , janë përkthyer në 16 gjuhë (Anglisht,Gjermanisht,Italisht,Greqisht,Frëngjisht, etj)

 4- “Ordo Templis Orientis”

Ndoshta Shoqëria më e keqe, pasi lutet direkt tek Djalli

OTO (ORDO TEMPLIS ORIENTIS), (Urdhri i tempullit të Lindjes) Zyrtarisht u deklarua në fillimet e shekullit të 20, por fillimet i kishte që në mesjetën e hershme sipas antarëve të tij.

Babai shpirtëror i Vëllazërisë ishte Karl Këlner  (Carl Kellner) (1Shtator 1851 – 7Qeshor 1905) I cili ishte një Kimist i pasur Austriak.
Këlner ishte Studiues i Masonizmit , i Kryqit Rozë (Rosicrucians) dhe i Sekreteve të Lindjes.

Në vitin 1885 Këlner takoi Dr Franc Hartman (Franz Hartmann) (1838-1912) I cili ishte studiues i Kryqit Rozë (Rosicrucians) dhe i Urtësisë së Zotit, me të cilin punuan sëbashku për të gjetur një mjekim për Tuberkulozin, dhe atje u brymos ideja e krijimit të një Shoqërie....

Në vitin 1895 Këlner , bisedoi për idenë e krijimit të një urdhëri ,të cilin mendoi ta quante ‘’Akademia Masonike’’ me Teodor Reus (Theodor Reuss) , por përgjatë bisedimeve me Teodorin vendosi që përfundimisht urdhërin ta quante ‘’URDHËRI I TEMPULLIT TË LINDJES’’ (Ordo Templis Orientis )

Në një nga udhëtimet e tij në Angli  1910,Teodor Reusi takoi Alister Kroili (Aleister Crowley) (1875-1947) të cilin e prezantoi në OTO  dhe në vitin 1912 Reus e deklaroi Kroilin si Mjeshtër i Madh i Urdhërit për Britaninë e madhe dhe Irlandën dhe në përgjithësi për të gjithë Saksofonët dhe kjo u quajt «Mysteria Mystica Maxima» e cila fillimisht u modelua si vëllazëri masone, por në drejtimin e të vetëquajturit “Bisha e madhe”, Aleister Crowley, filloi të ndiqte parimet e sistemit të tij fetar të quajtur Thelema. Anëtarësimi është sipas disa shkallëve dhe gjatë këtij procesi përdoren shumë rituale. Kjo vëllazëri, aktualisht ka mbi tre mijë anëtarë në gjithë botën. Vetë Crowley ka krijuar një meshë specifike për vëllazërinë. Rituali kryhet sipas një stili të caktuar dhe për këtë përdoren priftëresha të virgjëra, fëmijë dhe priftërinj. Gjatë meshës thërriten zotat e lashtë egjiptianë, si dhe Djalli dhe në një pikë priftëreshat kryejnë një ritual të zhveshur. Filmi ‘’ Eyes Wide Shut ‘’ me Tom Kruz dhe Nikol Kidman na jep një ide të atyre që ngjasin në ritualet e këtij urdhëri…

5- Urdhri hermetik i agimit të artë (Ordo Hermeticus Aurorae Aureae‎)

Urdhri i Agimit të Artë është krijuar nga William Robert Woodman, William Wynn Westcott dhe Samuel Liddel MacGregor Mathers në vitin 1887.

 Të tre këta kanë qenë fremasonë dhe anëtarë të shoqërisë “Societas Rosicruciana in Anglia”. Sistemi i besimit të Agimit të Artë vjen më së shumti nga misticizmi kristian, hermeticizmi, besimet e Egjiptit të lashtë, alkimia, teozofia, magjia dhe shkrimet e Rilindjes.

 William Yeats dhe Aleister Crowly janë dy prej anëtarëve më të famshëm të këtij grupi. Dokumentet themelore të urdhrit njihen si Dokumentet e Koduara. Ato përfshijnë 60 faqe që përmbajnë rite magjike.

Sistemi I Agimit të Artë ishte I bazuar tek ritual Masonike , megjithatë grate ishin me të njëjtat të drejta si edhe burrat. Agimi I Artë ishte një nga 3 klasat ,megjithëse të gjithë kujtojnë se Agimi I Artë është vetëm një.

Klasa e pare apo Shtresa e pare, bazohej dhe mësonte në filozofinë e hermetike apo të brendshme, e cila bazohej apo rrjedhonte nga KABALA hermetike.
Klasa e dytë apo Shtresa e dytë e ashtuquajtur ‘’Shtresa e Brendshme’’  (Rosae Rubeae et Aureae Crucis) ‘’Trëndafili i Purpurt dhe Kryqi i Artë ‘’ bazohej dhe mësonte dhe praktikonte Magjinë , Astrologjinë dhe Alkiminë.

Klasa e tretë apo Shtresa e tretë ishte shtresa e të ashtuquajturve ‘’Udhëheqësit e Mëdhenj ‘’ të cilët sipas tthënieve ,kshin influencë të madhe tek Udhëheqësit e klasëave të dyta , gjithashtu drejtonin çdo lloj lëvizjeje të të dyja klasave më të poshtme...

Pjestar i Urdhërit të Agimit të Artë ishte edhe Alister Kroili (Aleister Crowley) , SATANIST FANATIK, i cili më vonë u bë Udhëheqës apo Kryetar i (ORDO TEMPLIS ORIENTIS), (Urdhri i tempullit të Lindjes) një nga shoqëritë më të frikshme, falë bindjes dhe lutjeve të tyre DIREKT TEK SATANAI (DJALLI)

6- Kalorësit Templarë (Knights Templar)

Kalorësit Templarë (Knight Templars) janë grupimi ose Urdhëri i parë Ushtarak në gjithë historinë.

Urdhëri i themelua menjëherë pas Kryqëzatës së Parë , në vitin 1118 pas Krishtit nga Hugo de Pain (Hugues de Payens) Kontin e Zonës Shampanjë, i cili së basjku me 8 Kalorës të tjerë u paraqitën para mbretit Balduin II dhe i propozuan themelimin e Urdhëritme me qëllim ndihmën dhe mbrojtjen e të Krishterëve të Mbretërisë të sapo formuar të Jerusalemit dhe gjithashtu mbronin rrugët në të cilët kalonin besimtarët e shumtë të krishterë që vinin nga europa për tu falur në Jeruzalem nga Myslimanët.
9 Antarët e parë të këtij Urdhëri Ishin:
Hugues de Payens – Hugo de Pain

Godefroi de Saint-Omer – Godefri de San Omer

Archambaud de Saint-Aignan – Arkamb de Sant Egan

Payen de Montidier – Paian de Montenier

Geoffrey Bissot – Zhofri Biso

Rossal ose Roland

André de Montbard – Andre de Monbard

Gondemare – Godmar

Godefroi – Godefri

Këta 9 Kalorës në datën 1MAJ të vitit 1119 pas Krishtit , u bashkuan në Varrin e Shenjtë në Jeruzalem me 3 Betimet e Kallogjerëve , URI , VIRGJËRI dhe PËRULJE apo NËNSHTRIM dhe formuan URDHËRIN E KALORËSVE TË TEMPULLIT apo TEMPLARË gjithashtu dhanë edhe një tjetër Betim , mbrojtjen me çdo çmim të besimtarëve dhe të Patriarkut.

Emërtimin besohet se e morën nga  Mali i Tempullit i cili quhet Tempulli i Solomonit (Templum Salomonis), sepse besohet se në atë mal ngrihej dikur Tempulli i Solomonit, i cili u ndërtua në vitin  950 Para Krishtit e më pas u shkatërrua dhe u rindërtua disa herë.

Këtë pjesë të malit Kalorësit Templarë e quajtën TEMPULLI I ZOTIT (TEMPLUM DOMINI ).

Në datën 13 Tetor të vitit 1307 në Francë, shumë Kalorës u arrestuan me urdhër të Mbretit Filipi i IV i Bukuri, i cili kishte vënë në sy pasurinë e madhe që kishin përfituar Kalorësit e Urdhërit.
Filipi me ndihmën e Papës Klemit të V, i cili tërhoqi mbështetjen ndaj Urdhrit , arrestoi mjaft pjestarë të lartë të Urdhërit , përfshirë këtu edhe MAGJISTRIN E MADH , ZHAK DE MOLE (Jacques de Molay) të cilët i nënshtroi në Tortura të frikshme dhe u dogjën në turrën e druve, duke ju konfiskuar kështu edhe pasuritë tejet të mëdha të tyre.....

Urdhëri u shpërbë përfundimisht në vitin 1312 pas mbledhjes së Papatit, mbledhje e cila lëshoi disa dekrete ,ndër të cilat ishte edhe «Vox Excelso» i cili shpallte edhe zyrtarisht shpërbërjen e Urdhërit edhe të «Providam Ad» dekret me të cilin u Konfiskua përfundimisht e gjithë pasuria e Kalorësve të urdhërit, pasuri e cila i kaloi Urdhrit të Kalorësve të Joanit (Ordo Hospitalis Sancti Johannis Hierosolymitani).

Megjithëatë mendohet se Urdhëri vazhdon të ekzistojë fshehurazi edhe në ditët tona......

7- “The Illuminati” ose në Shqip ‘’Të Ndriçuarit’’

“Illuminati” u themelua më 1 maj 1776 në Igolstadt (Bavaria e epërme) nga  28 vjeçari Adam Weishaupt  (1748-1830) i cili në atë kohë ishte Profesor Drejtësie në Universitetin e Bavarisë. Edhe pse ishte ilegale, shumë intelektualë me influencë dhe politikanë progresistë e konsideruan veten anëtarë.

Por të Ndriçuarit apo Iluminati , kanë një histori më të vjetër se sa kjo, pasi fjala Iluminati vjen nga Latinishtja Lumin që do të thotë Dritë, Ndriçim,
Të Krishterët e parë u quajtën ILUMINATI pra të Ndriçuar, sepse kishin marë Dritën e Krishtit të Zotit me Pagëzimin e tyre, më pas ndoqën Spanjollët Alumprados, të cilët ishin pjesë e një shoqërie Sekrete dhe siç dihej ,Kisha Katolike i përndoqi pa mëshirë duke lëshuar për ta tre dekrete (1568, 1574 dhe 1623), gjithashtu Iluminati u quajtën edhe ndjekësit e adhuruesit e Filozofit  dhe Teologut Suedez, Emanuel Swedenborg (1668-1772).

Por Iluminati i vërtetë ai që na preokupon edhe sot është ai që u themelua nga Adam Weishaupt.
Adami ishte Çifut (Hebre) i rritur me besimin Katolik, i cili më vonë hyri në Protestantët , por më shumë e tërhiqin ritualet pagane, kështu që në vitin 1774 hyri në llozhat Masonike dhe u bë Mason, por edhe aty nuk gjeti atë çka kërkonte, kështu që sëbashku me 4 nxënës dhe njëkohësisht edhe shokë të tij , krijoi Shoqërinë apo grupimin ILLUMINATI, i cili fillimisht mbante emrin «Perfectibilists» e më vonë u quajt ILLUMINATI – Të Ndriçuarit......

Qëllimi i Adamit ishte Perfeksionizmi i Njeriut por edhe i Botës, ai besonte se Bota dhe njeriu do të ishin Perfektë nqs Zhdukeshin Fetë,Kombësitë bile edhe Martesat.

Illuminati si doktrine u be nje perzjerje e sekreteve masonike (doktrina luciferiane), misticizmi islamik (Sufism) dhe disiplina mendore jezuite (Hatha Yoga). Nje element shume i rrezikshem ne filozofine e kesaj organizate dhe doktrines se saj eshte perdorimi shkencor i drogave, hashashi, per te prodhuar nje gjendje te iluminuar ose te ndricuar te mendjes nje komponent qe lidhet direkt me binomin Knights Templar (Kaloresit e Tempullit) dhe Order of the Assassins (Urdheri i Vrasesve) qe daton vitin 1050 mbas Krishtit. (Keto te dyja jane pjese te organizates masone, nje nga shkallet e hierarkise se saj qe do me duhet ti shpjegoj ne nje shkrim me poshte.)

Illuminimi eshte nje nga elementet me kryesor te Masoneve dhe levizjeve te tjera me karakter okult. Cdo kandidat i levizjes masone kerkon kete lloj ndricimi mendor dhe kjo gje i premtohet. Sa me lart ngjitet ne hierarkine e levizjes aq me shume “ndricim” ai merr. Eshte per shkak te ketij objektivi “te ndricimimt” qe ka kjo shoqeri, pra Masonet, qe AISB u bei njohur nga te gjithe si Illuminati.

Termi Illuminati eshte shumesi i fjales latine illuminatus qe do te thote DIKUSH QE ESHTE I NDRICUAR dhe ne rastin konkret ka parasysh dike qe ka marre bollekun dhe forcen e mendimit te Masonve te Lire ose sic njihet rendom ne ambientet e ndryshme sot Freemasonry.

Teknikisht nje Illuminati eshte nje Master Mason qe ka perftuar gjithe njohurine dhe “ndricimin” dhe niveli i tij i reputacionit apo dhe hierarkise e kalon ate te grades 32 madje edhe 33. (Keto jane gradat me te larta ne Masonery dhe qe te arrish aty duhet perkushtim, pergatitje dhe dedikim absolut.)

 

Adami kishte Disiplinën e hekurt të Jezuitëve dhe besonte patundërisht në Dogma dhe Rituale të lashta që gjendeshin sa tek  MASONËT aq edhe tek KRYQTARËT E TRENDAFILTË (ROSICRUCIANS) .

Gradualisht Iluminati nisën të shtoheshin dhe në fillim të viteve 1779 kishin arritur të kenë 54 antarë të tyre në 5 Llozha që ishin formuar në Bavari dhe kështu që atehere vazhduan të përhapeshin e të shtoheshin vazhdimisht sidomos duke hyrë nëpër llozhat e tjera Masonike të cilat gradualisht edhe i ‘’Pushtuan’’.
ILUMINATI kishin një strukturim mjaft të mirë, të gjithë jepnin llogari tek një ‘’MADHOR I PANJOHUR’’ por megjë strukturimin mjaft të mirë të tyre ,strukturim i cili garantonte fshehtësinë , lëvizja dhe mendimet e tyre u mësuan edhe jashtë llozhave, kështu që në vitin 1784 Shteti dhe Kisha bashkëpunuan kundra tyre dhe Prefekti i atëhershëm i Bavarisë Karl teodor dha urdhër që të shpërbëheshin të gjitha organizatat sekrete dhe në vitin 1785 organizata ILUMINATI u shpall si organizatë Ekstremiste, Adami u pushua nga puna si Profesor dhe u dëbua jashtë Bavarisë. Në vitin 1786 qeveria konfiskoi një numër tejet të madh dokumentash të Iluminati dhe pothuajse të gjithë antarët e tij u detyruan të kin jashtë bavarisë.
Adami shkoi në Gota të Saksonisë dhe atje ju dha pension nga Duka Ernesti i IV...

Gjithkush do besonte se kjo shoqëri apo Organizatë sekrete mbaroi , u shpartallua, por uk ndodhi kështu, Iluminati vazhdoi ekzistencën por kësaj here në FSHEHTËSI TË PLOTË.
Për ekzistencën dhe Influencën tejet të madhe që ushtronte akoma kjo shoqëri kemi disa fakte të dokumentuar, por ato më të ‘’fuqishmet’’ janë Libri i shkruajtur nga Xhon Robinson në vitin 1797 , i cili ishte Profesor i Filozofisë Fizike në Universitetin e Edinburgut.
Në librin e tij me titull ‘’Prova të Konspiracionit kundra të gjitha Feve dhe Qeverive Europiane nga takimet Sekrete të Masonëve , Iluminati dhe disa shoqërive të tjera Sekrete’’ i cili përmend edhe bisedime sekrete ndërmjet Iluminatit dhe Masonëve të kryera nëpër Llozhat Masonike (Xhoni ishte edhe ai Mason).
Libri i dytë i shkruajtur nga Ogisten de Bariel i cili ishte Jezuit ,në vitin 1798 me titull ‘’ Kujtime për hir të Jakobizmit’’ , ndër të tjera shkruan , Tatëpjeta për Iluminatin nisi kur një korrier i tyre me emër Franc apo Jakob Lanc u godit nga Rrufeja dhe dorëshkrimet që ai mbante me vehte ranë në dorë të qeverisë.
Këto dorëshkrime thuhet se ishin Bibla e Zionit dhe disa dorëshkrime të tjera të Iluminatit.
Këto dorëshkrime u quajtën TEJET TË RREZIKSHME PËR VETË NJERËZIMIN dhe në këtë mënyrë nisi Tatëpjeta e Iluminatit.....

Besohet se Iluminati nuk u shpërbënë plotësisht , por vazhduan veprimtarinë e tyre në fshehtësi, ata ishin ideatorët e RENDIT TË RI BOTËROR (NEW WORLD ORDER) Kjo besohet edhe për vetë faktin se në Dollarin Ameikan poshtë Piramidës Masonike shkruhet ‘’NOVUS ORDUM SECLORUM’’ Rendi i Ri Botëror.......
Sot ka llozha Iluminati kudo në botë bile edhe në Shqipëri e Greqi, por emrat e antarëve mbahen SEKRET...

Iluminati janë ata që sot Komandojnë Botën.........

Themeluan .

 Bankën Botërore

OKB-në

OBSH-në

Komitetin Trilateral

Komunitetin Europian

FMN-në
Bankat Qëndrore

NATO-n

Etj,etj organizata ndërkombëtare....

Gjithashtu kanë Influencë tejet të madhe në

 

Grupet e Shoqerive Sekrete

# Freemasonry

 # Skull & Bones

# Grand Orient Lodge

# Grand Alpina Lodge

# Knights Templar

# Royal Order of the Garter

# Priory De Sion

# Rosicrucians

# Bilderberg

Etj, etj

 

 Grupet Politike

1- Udheheqesit e Qeverive te vendeve te ndryshme te botes

 

2- Kombet e Bashkuara

3- Grupi Bilderberg

4- Komisioni Trilateral

5- Keshilli i Mardhënieve me Jashte

6- Klubi i Romes

7- Instituti Aspen

8- Korija Bohemiane

9- Federatat Rajonale (Nato, EEC, etj)

10-Sindikatat Nderkombetare te Punetoreve

Ky grup është pak i ndryshëm nga të tjerët sepse nuk ka anëtarësi zyrtare. Anëtarët e këtij grupi janë njerëz me influencë të madhe, të cilët takohen çdo vit në mënyrë sekrete.

Takmet kryhen çdo vit në Europë dhe njëherë në 4 vjet në Shba ose Kanada. Takimet kryhen në hotele me pesë yje
Për çdo takim dhe ato që propozohen apo vendoesn atje mbahet protokoll, por nuk mbahen dhe as ruhen emrat e pjesëmarrësve të cilët propozojnë apo pranojnë vendimet.

Çështjet e diskutuara mbahen sekret. Struktura e takimeve i ngjan një konference

 Pjesëmarrja në takim është vetëm me anë të ftesave. Takimi i parë u krye në vitin 1954 në hotelin “Bilderberg” në Holandë.

Edhe pse axhenda dhe lista e pjesëmarrësve është publike, nuk është akoma e qartë nëse këto detaje bëhen të ditura nga vetë grupi apo jo.

Shumica e ngjarjeve ekonomike, shoqërore, apo dhe ushtarake që ndodhin në botë, vendosen nga Grupi Bildenberg.
Asnjëherë ,asnjë gazetar apo reporter nuk është lejuar të marë pjesë për intervista në mbledhjet e kësaj organizate.
Atje ftohen vetëm persona të cilët kanë Influencë politike edhe persona që kanë Influencë të madhe Ekonomike.
Pavarsisht disa deklaratave ku thuhet se vendimet që meren atje janë për të njeriut apo për mbarëvajtjen e Shteteve për vetë faktin se pjesëmarrës janë vetëm të Pasurit dhe Politikanë tregon se peshorja anon në kurriz të njerëzimit dhe në favor të të pasurve....

9- Paria e Sionit

Pas botimit të librit “Kodi i Da Vinçit” të Dan Brown emri i kësaj shoqërie ka ngjallur shumë kërshëri në mbarë botën. Në fakt, ky grup është krejtësisht fiktiv. Ishte një rreng i krijuar në vitin 1956 nga një pretendent i fronit francez, Pierre Plantard. Letrat ekzistuese që datojnë në vitet ’60 dhe që Plantard, de Cherisey dhe de Sede i kanë shkruar njëri-tjetrit konfirmojnë se të tre ishin përfshirë në këtë rreng, duke përshkruar skemat e mbrojtjes së tyre ndaj kritikave dhe si do të mund ta vazhdonin këtë mashtrim. Pavarësisht kësaj, ka nga ata që besojnë se Paria ekziston dhe funksion edhe në ditët e sotme.

10- “Opus Dei”

“Opus Dei” është një organizatë e kishës Katolike që thekson besimin katolik se jeta e zakonshme është rruga drejt shenjtërisë. Anëtarët e kësaj organizate jetojnë në qendra speciale. Urdhri u themelua në vitin 1928 në Spanjë nga prifti katolik, Josemaria Escriva, me aprovimin a papa Piut XII. Pjesa më e madhe e organizatës prej rreth 87.000 anëtarësh të të dyja gjinive janë njerëz të thjeshtë që drejtohen nga një prelat i zgjedhur nga një mbledhje e përgjithshme e pranuar nga Papa.

11- Asasinët

Asasinët (të varurit nga hashashi), ishin grup misterioz i vrasësve myslimanë të cilët kanë vepruar në Lindjen e Mesme gjatë shekullit XIII. Ajo u themelua nga myslimanët shiitë për të krijuar një shtet utopik shiit. Përdorën taktikat guerile kundër armikut, përfshirë spiunazhin, sabotimet dhe vrasjet politike. Sipas legjendave, para vrasjes ata do të merrnin hashash, ndërsa udhëheqësit e armikut shpesh zgjoheshin në shtrat me një thikë në jastëk dhe me mesazhin për ekzekutim. Ata kishin një kala të pamposhtur në Iran – Alamutin. Rendin aty e themeloi më 1090 Hasan al Sabah. Kalaja u shkatërrua nga Mongolët më 1256.

12- Katarët

Edhe sot fansat e konspiracionit citojnë fundin e tyre si një nga anët më të errëta të krishtërimit. Por kush ishin vërtet katarët? Gjatë shekullit të 13-të, kryqëzata kundër Albigesëve (qytetarë të një kataretqyteti francez), e drejtuar nga Papa Inoçcenco III, spastroi këtë shoqëri heretike kristiane që jetonin në malet e jugut të Francës. Pse? E thjeshtë: Katarët, adhuronin nocionin e dualizmit, ose ndryshe të idesë se kishte një Zot të mirë dhe një Zot të keq, ata kundërshtonin burokracinë e Kishës Katolike, të cilën e gjykonin si të korruptuar, pasi sipas tyre Kisha kishte rënë nën mëkatin e pushtetit dhe të parasë, ata refuzonin ta adhuronin Zotin në tempuj dhe katedrale. Dhe jo vetëm kaq: Katarët i cilësonin burrat dhe gratë të barabartë dhe në shoqërinë e tyre, gratë kishin pozicione të rëndësishme. Arsye të mjaftueshme për Kishën të niste një kryqëzim dhe t’i zhdukte. Në vitin 1229, të mbijetuarit u konvertuan të gjithë prej Inkuizicionit, për t’u kthyer në legjendë shumë shekuj më pas, për të apasionuarit e Kodit të Da Vinçit. Të konsideruar për një kohë të gjatë si heretikë, sot ata shikohen në një këndvështrim të ndryshëm, edhe sepse Katarët bashkë me thesaret e tyre morën me vete shumë sekrete që nuk mund të gjenden kurrë. Mbas maskës së herezisë që Kisha Katolike iu vuri atyre, shfaqet një civilizim i përparuar, ai i traditës filozofike e shpirtërore, në të cilën përmblidhet misticizmi i Perëndimit e dituria greko-romane.

Duke parë influencën tejet të madhe të disa prej këtyre Shoqërive, sidomos ''Illuminati'' - '' Bilderberg'' dhe ''Skull&Bones'' , lind Pyetja.... ÇFARË U VENDOS PËR FATIN E SHQIPËRISË, PA SHQIPTARËT ????????

Read More

13 FAMILJET QË QEVERISIN PLANETIN

Forcat hije pas RENDIT TË RI BOTËROR paraprakisht janë duke ndjekur një agjendë të ngadaltë për të kontrolluar totalisht njeriun dhe pasuritë e planetit tonë. David Ike ka thënë, “me hap të ngadaltë drejt totalitarizmit”, sepse ata po bëjnë hapa shumë të ngadaltë Drejt Skllavërimit Total të Njeriut.

 Turmat e njerëzve nuk janë në dijeni të faktit se liritë e tyre po reduktohen gradualisht,me mënyra të ndryshme, si psh ;Terrorizmi i Remë të cilin e përdorin për të reduktuar LIRITË PERSONALE TË NJERIUT në një kohë që Fuqia e Oktapodit të RENDIT TË RI BOTËROR po Rritet Gradualisht.

Diku në majë të piramidës, një organizatë ektremisht elitare, që njihet si “Këshilli i 13 Familjeve”, orkestron ngjarjet më të rëndësishme botërore. Ky Këshill përbëhet nga 13 familjet më me influencë të globit.

Një numër gjithnjë e më i madh i njerëzve po bëhen gjithnjë e më shumë të vetëdijshëm që 99% e popullsisë botërore kontrollohet nga një elitë prej 1%, por Këshilli i 13 Familjeve konsiston në më pak se 1% e elitës prej 1%, dhe asnjëri i gjallë nuk mund të bëjë kërkesë për anëtarësim.

Ata mendojnë se janë caktuar të na qeverisin (pra besojnë se janë ZOTA - PERËNDI), sepse, janë pasardhësit e drejtpërdrejtë e zotëve të vjetër, dhe e konsiderojnë veten e tyre si mbretërorë.

Këto familje janë:

Rothschild (Bauer or Bower)

Bruce

Cavendish (Kennedy)

De Medici

Hanover

Hapsburg

Krupp

Plantagenet

Rockefeller

Romanov

Sinclair (St. Clair)

Warburg (del Banco)

Windsor (Saxe-Coburg-Gothe)

Dinastia Rothsçild është padyshim më e fuqishmja, vlerësohet se pasuria e tyre shkon rreth 500 trilion dollarë.

Këto familje e ushtrojnë kontrollin përmes perandorisë së bankës botërore, e cila është thuajse tërësish në pronësi të tyre.

Shpërlarja e trurit

Një tjetër mjet i skllavërimit në masë që këto familje përdorin kundër nesh është SISTEMI ARSIMOR (Që sa vjen e bëhet më i keq). Shkollat nuk po kryejnë më funksionin e duhur, fëmijët mësohen që të memorizojnë pa u menduar dhe të binden pa u pyetur.

Skllevërit e sotëm

Sistemi financiar ka skllavëruar specien njerëzore dhe tani ne përdoremi si skllav-monedhë. Punojmë nga 8,12 dhe më shumë orë në ditë, në ambiente stresuese, të pa stimuluara nga diçka krijuese apo konstruktive. Në të shumtën e rasteve, i vetmi motivim që të bën të shkosh në punë është paga e radhës – pavarësisht se sa fort punojmë, duket sikur asnjëherë nuk kemi mjaftueshëm para.

Keni menduar ndonjëherë se përse korporatat e mëdha paguajnë me miliona dollarë drejtorët ekzekutiv, dhe pjesën tjetër të punonjësve e paguajnë sa më pak të munden?

Kjo është e projektuar me kujdes, sepse një person që është vazhdimisht në tehun e mbijetesës, nuk do ketë kurrë kohë për t’u vetë-edukuar, për të analizuar vetveten dhe për t’u zgjuar shpirtërisht!

A nuk është ky qëllimi kryesorë i yni? Që të bëhemi qenie shpirtërore – dhe këtë nuk e lidh me fetë apo të bëhemi fetarë – dhe ta plotësojmë ciklin e mishërimit.

Ata nuk kanë nevojë për njerëz të edukuar, që të jenë në gjendje në mendojnë në mënyrë kritike dhe të kenë qëllime shpirtërore. Jo, këta lloj njerëzish janë të rrezikshëm për ta!

Ata duan robotë që të binden, të jenë mjaftueshëm inteligjentë sa të bëjnë punën e tyre dhe ta mbajnë sistemin në këmbë, por të jenë mjaftueshëm budallenj, sa kurrë të mos bëjnë pyetje.

Paraja është “syri” i djallit

Të gjitha problemet e botës së sotme i kanë rrënjët në plagën financiare: luftërat janë me leverdi ekonomike, sëmundjet janë fitimprurëse, grabitja e globit është fitimprurëse, skllavëria njerëzore dhe puna kafshërore janë fitimprurëse.

Liderët tanë janë korruptuar nga paratë dhe misioni ynë kolektiv njerëzor mbi tokë është goditur nga paraja, transmeton mapo.

Pra, përse na nevojitet sistemi financiar, që të jetë në vend të parë? Nuk na nevojitet. Planeti ynë nuk na taton as edhe një qindarkë kur përdorim pasuritë e tij natyrore.

Marë nga gazeta ''DITA''

Read More

ALBANOLOGU Gottfried Wilhelm Leibniz

Shkencëtari dhe Albanologu i Shquar  Gottfried Wilhelm Leibniz në Datën 11Tetor 1675 

demonstron për herë të parë kalkulusin integral y = ƒ(x), paralelisht me dhe në mënyrë të pavarur nga Isak Njutoni, duke u bërë bashkë-themelues i kësaj fushe të matematikës. Leibniz - filozof, historian, matematikan, jurist, diplomat, filolog - figurë e rëndësishme në mendimin perëndimor, lindi në Leipzig. Ai ishte presidenti i parë i Akademisë Prusiane të Shkencave.

Por, pullariteti i tij sa ishte gjallë edhe u cënua, vecanërisht nga Volteri, i cili si mik i Njutonit, e ironizoi atë; madje edhe Kandidin e shkroi me Leibnizin në mendje. Por Leibniz ishte njeri i interesave të shumta.

Në 10 vitet e fundit të jetës, një nga përkushtimet e tij u bë edhe gjuha shqipe. Së pari, Leibnizi goditi mitin se shqipja, meqenëse flitej në Ballkan, bënte medoemos pjesë në grupin e gjuhëve sllave, apo rridhte nga greqishtja ose latinishtja. Ai besonte se shqipja ishte ilirishte (sic do të demonstrohej nga Franz Bopp më shumë se një shekull më vonë); Leibniz mendonte se shqipja kishte lidhje me gjermanishten dhe këto ngjashmëri ai i kërkon në keltishten e lashtë.

Mendimet mbi shqipen, Leibniz i shprehu në letërkëmbimet e tij (1705 - 1715) me shkencëtarë, studiues e intelektualë të kohës - gjithsej 5 letra mbi shqipen. . Ja si shkruante Leibniz - ndër të parët, në mos i pari albanolog që e vendosi shqipen në hartën e botës së studimieve gjuhësore: "Sa për gjuhën e shqiptarëve, e njohur si Linguam Illiricam...mendoj se është e denjë të studiohet....Të dhënat që kam tregojnë se shqipja përmban shumë latinisht dhe pak gjermanisht. Dhe ky është mendimi im mbi disa fjalë shqipe: 'hundë' nga keltishtja e vjetër ka dhënë gjermanishten 'wen' - 'qen', kafshë që karakterizohet nga përdorimi i hundës 'nose' - 'nuhatje'. Fjala 'gjueti', anglisht "hint" - 'gjurmë' - 'shenjë'; gjermanisht 'spuhr', nga 'kunde' - 'dije, njohje'. Fjala 'krah' lidhet me 'krezzen, crabbe' - 'gaforre' nga rrjedhin kthetër, zvarrë, rrafsh, zero. 'Gaforrja' mund të ketë lidhje edhe me 'furkën, pirunin'. Fjala 'burrë' mund të jetë e lidhur me 'brautigam' 'dhëndër'. Ndërsa fjalët shqipe për numrat nuk kanë asgjë që mund të rrjedhin nga gjuhët fqinje, por, duke ditur shumë gjuhë të tjera, studiuesi mund të jetë në gjendje të kuptojë shumë fjalë të shqipes; fjala 'det' nga Delt, dmth Thalassa, Thellësi, Perendia e Detit në mitologjinë greke. Është e qartë se reliket e ilirishtes janë ruajtur në gjuhët moderne, veçanërisht në atë të shqiptarëve", shkruan Leibniz, në "Opera Philologica", përkthyer nga frengjishtja në anglisht nga Robert Elsie.

Vlera e ideve të Leibnizit qëndron edhe në faktin se si shkencëtar serioz, ai tërhoqi vemendjen e shkencëtarëve të tjerë për t'u marë me studime në fushë të shqipes. Ky interesim i Leibnizit mund të shpjegojë ndoshta edhe arsyen pse albanologjia ka tërhequr vazhdimisht shkencëtarë, gjuhëtarë e filologë ndër më të shquarit gjermanë e nga bota.

Leibniz shkroi kryesisht frengjisht e latinisht, dhe pak gjermanisht. Shumica e shkrimeve të tij ndodhen ende të pa botuara, dhe janë marë në mbrojtje nga UNESKO. Në vitin 1985, qeveria gjermane krijoi Çmimin Leibniz, duke ofruar një shpërblim vjetor prej 1-milionë e 550-mijë euro për rezultate praktike dhe 770-mijë euro për ato teorike në shkencë. Ky është çmimi më i lartë në botë për arritje shkencore                    

  

Falenderoj për ndihmën ALFRED MADHIN

Read More

Gjurmë Shqiptare - Historia e panjohur e qytetit të Korçës...

NJË DOKUMENTAR SHUMË INTERESANT.

Read More

Papakristo Negovani

Në evokim të luftës për çlirim kombëtar me pushkë dhe penë, luftës për shkollën shqipe, përjetësimit të saj në libra, botime e shkrime, në rradhën e personaliteteve tona me përmasa kombëtare, padyshim që një vend nderi e respekti i takon figurës së shquar të shkrimtarit patriot e klerikut atdhetar, martirit të gjuhës shqipe Papa Kristo Negovani.

Me origjinë nga zona e Kolonjës Kristoja është lindur në verën e vitit 1875 në fshatin shqiptar të Negovanit, toponim ky të cilin Harallambi, babai i Papa Kristos e përdori si mbiemrin e famijes së tij. Në atë kohë, Negovani numëronte rreth 300 familje shqiptare, të shpërngulura nga fshati Plikat i Ersekës në vitin 1861. Gjatë viteve 1888 deri më 1891 Kristoja vazhdoi shkollën e mesme në Athinë. Por në vitin 1891, shovinistët grekë me anë kusarësh i vranë të atin, Harallambin, për ndjenjat e tij patriotike, duke i rrëmbyer edhe kursimet monetare të familjes. Kristoja u detyrua të lerë mësimet që ndiqte në Athinë dhe u kthye pranë familjes, mes gjëmës që i shkaktoi dora gjakatare dhe filloi të punojë si mësues i thjeshtë i gjuhës greke në fshatin Leskovec, që ndodhej në atë zonë. Pas një viti, më 1893 e shohim mësues të greqishtes në fshatin Bellkamen. Por të ardhurat ekonomike ishin tepër të pakta. Kështu, Kristoja vendos që të shkojë në qytetin Braila të Rumanisë në vitin 1894, me qëllim që të mësonte profesionin e drugdhendësit. Në këtë ambjent të ri, ku ndihej atmosfera e shoqërive shqiptare me karakter patriotik, Kristoja përqafoi idetë patriotike, u bë pjesë e shoqërisë së atjeshme të shqiptarëve “Shpresa” dhe u angazhua në veprimtaritë e saj. Duke studiuar me vëmendje zhvillimet aktuale politiko-shoqërore të kohës, u mendua që në propagandimin e gjuhës shqipe, një rol kryesor të luante edhe feja, përmes së cilës liturgjitë që deri atëhere mbaheshin në greqisht, të jepeshin në shqip. Me këtë detyrë të shenjtë dhe me mbrojtjen e Zotit, Kristoja kthehet në Negovan, ku u shugurua prift dhe filloi të lexojë ungjillin në shqip, të meshojë në gjuhën shqipe e të përhapë të shkruarit e shqipes. Viti 1897 shënon kthimin e tij në Negovan dhe vënien në jetë të detyrës patriotike. Njëkohësisht, për interesin patriotik të shqiptarëve dhe për mos rënien në sy të kishës greke, vazhdoi të punojë edhe si mësues i greqishtes. Gjatë kësaj kohe nuk kanë qenë të pakta orët kur Papa Kristoja jepte edhe mësimin e shqipes, në fëmijë e të rritur. Abetaret e gjuhës shqipe dhe librat e tjerë në shqip, të cilat ai i solli nga Rumania, i shpërndau në Negovan e Bellkamen, e deri në Follorinë e Kostur. Gjuha shqipe filloi të zinte rrënjë të shëndosha në këto zona falë punës së palodhur të Papa Kristos. Interesant është fakti që kleriku patriot në kthimin e tij nga Rumania, arriti të siguronte gërma latine me të cilat shtypeshin e botoheshin tekstet në shqip. Në mungesë të teksteve të shqipes, Papa Kristoja, në fletoret që përdornin nxënësit, shtypte dhe shumëfishonte mësimet. Kështu veproi ai edhe në përkthimin në shqip të pjesëve të Ungjillit, të cilat më pas i fliste në kishë. 

Në aktivitetin e Papa Kristos për zhvillimin e shkollës dhe gjuhës shqipe shënohet edhe çelja e shkollës shqipe të natës në Negovan, ku numri i nxënësve nuk ishte më pak se 100. 

Veprimtaria patriotike e patriotit shqiptar shqetësoi Mitropolitin e Kosturit, i cili në vitin 1899 e thirri në Kostur, ku pasi mohoi ekzistëncën e gjuhës shqipe, e kërcënoi klerikun atdhetar shqiptar se do e pushonte nga detyra e priftit dhe do e shkrishtëronte. Përgjigjja e shqiptarit Papa Kristo ishte: “Unë do të vazhdoj të punoj për gjuhën e nënës edhe nëse ju nuk do të më lejoni të jem prift. Do të vazhdoj të punoj për shkollën e gjuhën shqipe pasi ne jemi shqiptarë e jo grekë apo bullgarë.” Kjo është përplasja e parë me autoritetet e Mitropolisë greke, të cilat do të vazhdonin herë pas here deri sa hanxharët dhe sopatat do të realizonin pushimin e veprimtarisë patriotike të priftit shqiptar. Duke parë aktivitetin e tij në dobi të çështjes shqiptare, kundër Papa Kristos u vunë osmanët, qarqet shoviniste greke dhe Patrikana e Stambollit. Për t’i mbyllur gojën shqiptarit ata i prene fletë-arrestin Papa Kristos në nëntor të vitit 1904 në Manastir, ku kishte shkuar në hotel “Liria” për të marrë pjesë në një mbledhje me karakter patriotik. Pas burgosjes për dy muaj në burgjet e Janinës, Papa Kristo Negovani u kthye në fshatin e vet, ku vazhdoi rrugën e shenjtë që kishte nisur vite më parë. 

Ditën e 10 shkurtit të vitit 1905, ditën e kremtimit ortodoks të Shën Harallambit, kleriku atdhetar kendon në shqip Ungjillin në kishën e Negovanit. Në këtë ceremoni ndodhej edhe dhespot Karavangjeli. I gjendur i pafuqishëm për të ndalur veprimtarinë atdhetarë të Papa Kristos, thuhet se Karavangjeli, para se të dalë prej kishës, i është drejtuar shqiptarit me fjalët: “Mos të gjettë viti tjetër mes të gjallëve!”. Më datën 11 shkurt 1905, Papa Kristoja shkruan një artikull me karakter patriotik me titull “Mot i ri fat-bardhë” dhe ia dërgon gazetës shqipe “Drita” në Sofje, shkrim me të cilin uron shqiptarët për hyrjen e vitit të ri 1905. Të nesërmen, duke u gdhirë e diela e 12 shkurtit 1905, andartët grekë me ndihmën e kusarëve dhe të dërguarve të dhespotit, shkuan në Negovan. Në errësirën e natës, ashtu si shpirti i tyre, ata rrëmbyen nga shtëpia Papa Kriston, vëllain e tij Papa Theodhosin si dhe katër veprimtarë të tjerë, punëtorë të gjuhës shqipe nga Bellkameni dhe i nxorrën në bregun në të dalë të Negovanit. Duke i tërhequr zvarrë nga rrobat priftërore dhe nga mjekra e gjatë, andartët e pamëshirshëm dhe gjakësorë provuan forcën e tyre me thika, hanxharë e sopata mbi trupin e martirit të gjuhës shqipe, atdhetarin Papa Kristo Negovani, i cili nuk i kishte kaluar të 30 vitet e jetës së tij. Të njëjtin fat patën edhe të tjerët... Të mbuluar nga gjaku e të shqyer, këta dëshmorë të gjuhës sonë u lanë të dergjen mbi kodër, për t’u treguar të tjerëve se ky është fundi që andartët grekë u përgatitin punëtorëve të gjuhës shqipe. Dhe ky nuk është rasti i vetëm që na tregon historia. Petro Nini Luarasi, Papa Llambro Ballamaçi, Spiro Kosturi e shumë të tjerë janë dëshmorët e rënë martirë nga andartët grekë dhe veglat e tyre. 

Gjëma e vrasjes së Papa Kristo Negovanit helmoi zemrat e shqiptarëve kudo nëpër kolonitë e tyre në botë. Nekrologji të shumta u botuan në shtypin shqiptar të kohës mbi këtë figurë të shquar të lëvizjeve për çlirim kombëtar. Në ndihmë të jetimëve të klerikut atdhetar, shumë organe shtypi të shqiptarëve çelën shtyllën e “Ndihmëtarëve në të holla për jetimët e Papakristos”, mbledhjen e fondeve për botimin e librave që ai kishte përgatitur si dhe të hollat për përgatitjen e varrit të dëshmorit kombëtar. Për këtë ngjarje të tmerrshme, patriotët e shprehën hidhërimin e tyre edhe me vjersha. Për këtë shkruan Mihal Grameno, nën pseudonimin “Guri i Cjapit”, poezinë “Mbi varr të dëshmorit Papakristo”; shkroi Petro Nini Luarasi, nën pseudonimin “Petro Raullasi”, poezinë “Vajtim për dëshmorët e Negovanit”; u dëgjua zëri i shqiptarëve të Italisë përmes elegjisë që botoi arbëreshi Zef Skiroi me titull “Vrasja e Negovanit”. Një nga krijimet e veçanta kushtuar kësaj ngjarjeje makabre i takon Loni Logorit. Në mars 1906 ai shkroi elegjinë “Papakriston e vranë”: 

“Papakriston e vranë/ S’ra për të asnjë këmbanë/ Dhe malet e Shqipërisë/ Dhe shpellat e malësisë/ Thërresin an’ e mbanë/ Papakriston e vranë/ Merrni gjaknë, thirrnë pyet aty pranë/ Dhe malet buçitnë, merrni gjakën thanë”. 

Numrin e saj të datës 14 shkurt 1905, gazeta “Drita” që botohej nga Shahin Kolonja në Sofje, u rrethua nga një shirit i zi, me titullin kryesor: “E madhe gjëmë”. Aty botohen tre kronika rreth vrasjes së Papa Kristos.

Vrasja e PapaKristo Negovanit

* * * * * * * * * * *

Papa Kristo Negovani në gjallje të vet arriti të botonte pesë libra në gjuhën shqipe. Pasqyra e plotë e librave të Papa Kristos, të cilat u botuan, për bëhet nga: “ Histori e Dhjatës së Vjetër”, Bukuresht 1899; “ Vjershë shkresëtoreja”, Sofje 1899; “ Hijejëtore istori”, Sofje 1903; “ Prishja e Hormovës”, Sofje 1903; “I vogli dhonat argjëndi”, Sofje 1904; “I drunjti kryq”, Sofje 1906; “Bënjatë të shënjtorëve dërgimtarë”, Sofje 1905; “Istori shkronja e Plikatit”, Selanik 1909; “Kryqi i margaritartë”, Korçë 1910.

Shumë shkrime të tjera të Papa Kristos janë botuar në shtypin e kohës, sidomos në numrat e përvitshëm të revistës “Kalendari Kombëtar”, gjithashtu edhe në organe të tjera shtypi. Një pjesë e mirë e krijimtarisë së tij u dogj pas bastisjes që bënë andartët grekë në kohën kur kryen ekzekutimin e tij më 1905. Ndërsa shumë të tjera kanë humbur në Bukuresht dhe në Sofje, ku u dërguan për t’u botuar. Këto mungesa përbëjnë një boshllëk nën dritën e trajtimit të veprës laike ose jo të Papa Kristo Negovanit. Gjithashtu, sipas botimeve të kohës kuptojmë që ka përkthyer e përshtatur në shqip fabula nga La Fonteni dhe Ezopi, të cilat i ka ndërtuar në strukturën e dialogut me rimë. 

Edhe pse i nderuar me titullin “Mësues i Popullit” figura e atdhetarit Papa Kristo Negovani sot përndiqet nga një heshtje e nënvlerësim, duke mos u përmendur emri i tij nëpër shkrime apo studime, duke mos iu kushtuar kësaj figure të shquar asnjë kronikë televizive apo në shtypin e shkruar apo vepër përkujtimore. Dhe si për ta çuar deri në fund këtë mëri të çuditshme ndaj tij, ende sot, në ish-fshatin Negovan, sot të greqizuar, eshtrat e martirit të gjuhës shqipe nuk kanë asnjë shenjë dalluese, përveç një kryqi të vjetër guri e të thyer, kryq i cili iu vendos varrit të tij që në vitin 1905. Asnjë shënim identifikues nuk ndodhet sot në vendin ku prehet Papa Kristoja ndërsa në shtëpinë e tij të rrafshuar, sot është vendosur si për injorim një kosh hedhurinash nga ana e komunës Flamuria, emri i sotëm i Negovanit. Një apel vjen nga të gjithë intelektualët e ditëve të sotme, të Korçës dhe Shqipërisë që eshtrat e dëshmorit të gjuhës shqipe Papa Kristo Negovani të vendosen në Shqipëri, me rastin e 100 vjetorit të Pavarësisë Kombëtare, pse jo në varrezat e dëshmorëve të qytetit të Korçës, në parcelën e patriotëve të Rilindjes Kombëtare, vend ku kleriku patriot doemos që do të prehet i qetë pranë bashkëluftëtarëve të çështjes, së cilës ai i fali gjithçka, për Shqipërinë që luftoi dhe u përpoq aq shumë, deri në grahmat e fundit të jetës.

Marrë nga Gazeta ''Shqiptarja.com''

Read More